假設

人的生命真的有好多野都估計唔到，今日可能還生龍活虎，明天可能已經身患絶症或是遇上意外。

我只是想係我還活著的時間，交下我的安排。因為我怕到了這時候我會無機會或無時間講俾大家知。

如果有一天，我真的離開了大家(死掉)，大家一定唔好為我的離去而傷心，因為人總會有一死，而且離開並唔係一件壞事，可以說成一種解脫，可以返天家享福。

要做多d白金，因為我想大家幫輕我家人為我的身後事所帶來的金錢負擔，雖然我知錢並唔可以買到我的回來，但都是我可以為家人做的唯一件事。

要將我的骨灰洒落大海，唔好做靈位俾我，因為我唔需要人掛住我，盡快忘記我就最好，所以要將有關我的物件一件不留的拋丟，唔好留念。

可能大家都想問咩事，我只是講定先，無咩意思的，不用擔心！

以上的事都係現在我的心願，如果有一天真的發生，希望大家可以盡量配合，謝謝

傷痛

時間雖然真的過得好快，但這一年真的不容易地度過，而亦知我的心仍然淌血及懷有不少的傷痛在當中。

快樂

剛剛從教會的camp出來，今次個camp的主題係「尋找快樂」。這個camp確實令我有d反思。

離開 camp site時，一連串的問題不斷浮現：

到底快樂是什麼？  我的快樂的泉源係咩？  生活得快樂嗎？

原來沒有人可以無風無浪過一生、沒有人可以逃避唔開心的事，這樣我們又可以怎樣去過我們的一生？

面對困難時，又會怎樣去處理？逃避、找人幫手、一個人去處理、或尋找神？

以上種種的問題，對於這個悲觀的我，看似好深，亦可以好簡單，但都值得去思考吓。

相遇

人生裡要找一個可以同你一齊走你的人一D都唔容易，我曾經以為自己已經遇到了。

9年前，我遇上第一個，可惜可能係時間上的錯，大家最終都無發展的機會，而我亦用上了6年的時間去放下這個人。

3年前，我發現上天並無遺忘o左我，竟俾我遇上了第二個，但今次唔知係你的步伐太快或者係我停o左係到太耐，令我們之間的距離遠o左，以致我自卑心作怪，無信心去爭取，白白地看住你的離開，今次我可能又要再一次賠上6年的時間去淡忘。

經過這兩次的相遇，我諗我已經再無心力去再遇上第三個了，再加上我深信我已經花光了我所有的機會，應該唔會再有第三個的出現。

好嬲

今日激死我，無端端無咗$840元！

話說我上咗總會租咗d急救訓練器材，兩個星期的租金為$420元。但由於我用完後唔記得還，遲咗一個星期，即係今日我攞返去還，竟然要收逾期費。唉！大獲，心諗「最多咪當租多兩個星期」

點之！收逾期費的計算方法，係租金的雙倍金額，即係$840元！嘩！眼都凸出來，有無攪錯？肉都痛埋。

如果我唔係喺總會有d名氣，我諗我會反枱同打人。嬲爆！